Xamuulka hawada — Shiinaha ilaa Muqdisho 7–12 maalmood

Xamuulka hawada waa xulashada saxda ah marka alaabtu degdeg tahay, qaali tahay, ama ay yar tahay. Halkii 30–45 maalmood ee xamuulka badda, alaabtaadu waxay Muqdisho gaartaa 7–12 maalmood gudahood.

Goorma ayay hawadu kaa jaban tahay badda?

Hawadu waa ka qaali tahay badda kiiloogii, laakiin ma aha had iyo jeer xulashada khaldan. Waxay macquul tahay marka:

• Alaabtu ay yar tahay — miisaan hoose, mug hoose.
• Qiimaha alaabtu sarreeyo (elektaroonig, qeybo gaar ah, daawo).
• Suuqu hadda doonayo alaabta oo aad 40 maalmood sugi kari weydo.
• Alaabtu tahay tusaale (sample) aad rabto inaad dhaqso u aragto.

Haddii alaabtu culus tahay oo aan degdeg ahayn, badda ayaa mar walba ka jaban. Waan kuu sheegi doonnaa haddii hawadu aanay kuu fiicnayn — ma aha inaan kuugu iibino adeegga ugu qaalisan.

Sida qiimaha hawada loo xisaabiyo

Xamuulka hawada wuxuu ku salaysan yahay miisaanka la dallaco (chargeable weight) — taas oo ah miisaanka dhabta ah ama miisaanka mugga (volumetric), kii ka weyn. Alaab fudud oo mug weyn leh sida barkimo waxay bixisaa sida mid culus, sababtoo ah diyaaraddu meel bay ka qaadatay.

Waraaqaha

Waxaan diyaarinaa air waybill, packing list iyo invoice, waxaana kula socodsiinaa gumrugga garoonka Muqdisho. Alaabta qaarkood — sida baytariyada iyo dareerayaasha — waxay leeyihiin xeer gaar ah oo diyaaradeed; noo sheeg alaabta ka hor si aan kuu hubinno inay hawada ku raaci karto.